Директорот на Службата за информации и безбедност на Молдавија, Александро Мустеата денеска изјави дека Русија планира да се меша во внатрешните работи на земјата со предизвикување протести, мешање во претстојните претседателски избори и попречување на плановите на земјата за пристапување во Европската унија.

Мустеата рече дека неговата агенција открила рекордно ниво на активност на руските безбедносни служби од 2023 година и очекува повеќе дестабилизирачки акции оваа и следната година.

„Руските разузнавачки служби имаат намера и оваа година да се мешаат во изборниот процес“, изјави Мустеата за медиумите.

Според него, молдавската разузнавачка служба има информации дека се прават обиди да се компромитира референдумот за евроинтеграции, да се меша во претседателските избори, како и да се дискредитираат владините институции и политичарите кои го поддржуваат пристапувањето на Молдавија во Европската унија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.