Американскиот претседател Џо Бајден го потпиша законот усвоен од американскиот Конгрес со кој се обезбедува помош од 40 милијарди долари за Украина во војната против Русија, соопшти денеска Белата куќа.

Западните агенции наведуваат дека Бајден го потпишал документот за време на неговата посета на Јужна Кореја.

Од 40 милијарди долари, шест се за опремување на Украина со оклопни возила и зајакнување на воздушната одбрана.

Пет милијарди долари се за решавање на глобалниот недостиг на храна што би можел да произлезе од колапсот на украинското земјоделство, а повеќе од милијарда долари за помош на бегалците.

Ова финансиска помош за Украина е до септември и ја надминува претходната итна мерка со која беа предвидени 13,6 милијарди долари.

Новиот пакет помош беше одобрен во четвртокот со големо мнозинство во Сенатот, откако претходно беше усвоен во Претставничкиот дом.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.