Ислам Халилов (15) спасил повеќе од 100 луѓе за време на масакрот во Москва, така што ги упатил да бегаат преку еден излез за да ги избегнат терористите.

Дури кога видов луѓе како бегаат од ескалаторот сфатив дека нешто се случува. Тогаш сфатив дека се работи за терористички напад. Извикав: „Пукање, луѓе, сите, трчајте кон Експо“ – раскажа момчето за рускaта телевизија Раша тудеј (РТ).

Кога новинарот го прашал дали последен си заминал, тој рекол: „Никого не оставив зад себе, сите ги одведов до излезот“.

Тој видел само еден од напаѓачите и го опишал дека имал брада, бил камуфлиран во зелена облека и носел пушка во раката. Останатите не ги видел зашто нападот се случил на вториот кат и не можел да види ништо друго.

Тој рекол дека му верувал на својот инстинкт и сакал да постапи исправно.

На прашање дека можел да загине зашто останал последен, младиот Ислам рекол:

Подобро да го жртвувам својот живот отколку да загинат сто луѓе.

Во петокот на 22 март во руската престолнина беше извршен страшен терористички напад во кој загинаа најмалку 137 луѓе, а повеќе од 100 беа ранети. Убиени се и три деца.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.