На два дена пред почетокот на учебната година на голем број родители им било соопштено дека учениците од 4то одделение во сите основни училишта на територија на Општина Карпош ќе останат без продолжен престој, пишува на својот фејсбук профил Андријана Јакимовска Панчевска.

Сакаме да нагласиме дека за ова не постои никаква писмена одлука на Советот

Имено на 30.01.2023 г. Советот на Општина Карпош има донесено одлука со која се обезбедени финансиски средства за ангажирање на одделенски наставници за реализирање на настава со физичко присуство во продолжен престој за ученици во 4то одделение во општинските основни училишта за 2023г

Според оваа одлука финансиските средства не се причина за прекин на продолжениот престој во 4то одделение. (прилог)

За Советничката група на ВМРО-ДПМНЕ и коалицијата овој прекин на продолжениот престој за 4 то одделение е неприфатлив но исто така и крајно не хуман ако се земе во предвид дека родителите на овие деца во последен момент треба да се снаоѓаат и да бараат начини како да ги згрижат сопствените деца.

Го повикувам првиот меѓу еднаквите Претседателот на Совет во општина Карпош Branko Ristov Левица – Карпош веднаш да свика Итна седница на која ќе ја разгледаме оваа информација.

Зошто веќе донесена одлука не се почитува?

Што превзема претседателот на Совет?

Да им излеземе во пресрет на родителите и наместо да им се прават дополнителни маки и проблеми да продолжи продолжениот престој за овие ученици.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.