Осум мали деца и еден возрасен се повредени во напад со нож во Анеси, град на француските Алпи, соопшти во четвртокот француската полиција, а животите на три деца се во опасност, пренесоа светските агенции.

Децата се на околу три годишна возраст, соопшти полицијата.

Францускиот министер за внатрешни работи Жералд Дарманин на Твитер објави дека напаѓачот е уапсен.

На социјалните мрежи почна да се шири видео од наводното фаќање на напаѓачот.

ТВ БФМ јави дека нападот се случил во парк во близина на езерото Анеси околу 9:45 часот и дека напаѓачот бил сириски барател на азил.

Се уште не се јасни точните околности на нападот.

Безбедносните сили беа брзо испратени на местото на настанот, рече францускиот министер за внатрешни работи Жералд Дарманин.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.