Очигледно нападите против Русија се обид да се заработат поени во очите на Брисел и Вашингтон, а попатно да се оттргне вниманието на Македонците од тешкотиите на денешницата, да се затскрие помирувачката политика на еднострани отстапки што Скопје ги практикува во односите со соседите од ЕУ.

Пендаровски: Од соседството ни доаѓаат руски агенти, неколку партии се финансираат од Москва

Ова е одговорот на портпаролката на Министерството за надворешни работи на Русија, Марија Захарова во врска со обвинувањата на претседателот Стево Пендаровски за „руските агенти“ во Македонија.

Во интервју објавено деновиве во неделникот «Фокус», претседателот на Стево Пендаровски изнесе низа сериозни обвинувања против Русија, вклучително и мешање во внатрешните работи на неговата земја. Како и обично, не приложи никакви докази, ограничувајќи се на општи фрази за «постоење на релевантни сознанија».
Демаршот на првиот човек на Северна Македониjа очигледно е составен на ваков начин со цел каj пошироката публика да се создаде чувство дека станува збор за сложена аналитичка работа направена од авторот и неговиот тим, чии непријатни резултати тоj е принуден да ги претстави на судот на јавноста. Во суштина, се работи за стремежот на председателот на РСМ да «држи чекор» со западните пропагандисти кои продолжуваат со беспрецедентен информациски напад врз нашата земја. Очигледно, ескападите против Русија претставуваат обид да се заработат поени во очите на Брисел и Вашингтон, а попатно да се оттргне вниманието на сопственото население од тешкотиите на денешницата, да се затскрие помирувачката политика на еднострани отстапки што Скопје ги практикува во односите со соседите од ЕУ.
Русите се однесуваат кон Македонците со искрена почит, братски, историските врски меѓу нашите народи се отпорни на искушенија како што е антируската хистерија на властите на Северна Македониjа, која, за жал, зема замав од ведро небо, се вели во одговорот пренесен преку руската амбасада во Македонија.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.