Министерството за здравство информира дека преку донација од Република Унгарија обезбедени се 72.000 брзи антиген тестови за КОВИД-19.
На примопредавањето на донацијата, како што информира Министерството на социјалната мрежа „Фејсбук“, присуствувале унгарскиот амбасадор Ласло Дукс и министерот за здравство Беким Сали.
-Тестовите веднаш ќе бидат распределени во здравствените установи и со нив значително се олеснува пристапот на пациентите кон тестирање, а се олеснува и движењето на пациентот во установата со цел добивање на неопходниот здравствен третман, изјави министерот Сали.
Тој се заблагодари за поддршката и солидарноста од страна на Унгарија, со цел поуспешно справување со КОВИД пандемијата


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.