Заедничката владина седница на Република Македонија со Бугарија, закажана за 22 мај, нема да се одржи. Ова го изјави македонскиот премиер Димитар Ковачевски, откако, според него, нема услови за тоа.

Во моментов министерствата за надворешни работи разменуваат идеи, но нема договорено заедничко решение кое би послужило како основа за билатерален договор, нагласи тој.

Според македонскиот премиер, решение со Бугарија може да има само доколку тоа се заснова на европските вредности, принципите на зачувување на достоинството на двете земји и меѓусебно почитување.

Ковачевски најави и дека ќе ја предводи македонската делегација во Рим на прославата на 24 мај.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.