Бугарскиот премиер, Кирил Петков, порача дека Бугарија не треба целосно да го крене ветото, но треба да го помести со цел бугарските барања да влезат во преговорите за членство на Македонија во ЕУ и на тој начин цела Европа да ги гарантира условите поставени од Софија.

Ние треба да ги качиме на возот за Европа, но критериумите коишто тие треба да ги исполнат да се јасно поставени од нас. Даваме пат на Република Македонија кон Европа, но тој пат е послан со барања и задолженија, јасно определени во преговарачката рамка и на тој начин користиме цела Европа да го гарантира напредокот што ние го сакаме како Бугари – порача Петков.

Тој вели дека не може да се очекува сите барања на Бугарија да бидат исполнети сега, пред почетокот на преговорите.

Најглупавото нешто што можеме сега да го направиме е против бугарскиот интерес и ќе се сопнеме. Да бараме сè што сме сакале да се случи, да се случи пред подигнување на ветото. Тогаш националистите ќе ја преземат власта таму и тогаш шансите ни се нула. Сега имаме нормална влада таму и тaa е подготвенa да ги преземе ангажманите со европски договор – смета Петков.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.