Тројца полицајци се повредени, а едно полициско возило е оштетено, потврдија за МИА полицајци од терен, во немирите што се случија пред зградата на Собранието.

Од МВР потврдија дека има повредени полицајци, но не се знае точната бројка.

Полицијата ги растера и ги потисна демонстрантите кон паркот Жена борец, кои претходно ја урнаа оградата пред Собрание и фрлаа со предмети кон полицијата и кон собраниската зграда.

Протестот вечерва започна пред Владата, продолжи пред МНР, па до Собрание. Демонстрантите бараат оставка од владата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.