Во гостување во емисијата „За или Против“ на Телевизија Алфа претседателот на ВМРО-ДПМНЕ Христијан Мицкоски, посочи дека целта на ДУИ е да го намали потенцијалот на ВМРО-ДПМНЕ, но истакна дека тоа нема да се случи и ВМРО-ДПМНЕ ќе биде посилно.

СДСМ не разбира дека е злоупотребен, бидејќи тие со ова не можат да пораснат. ДУИ има цел да го намали потенцијалот на ВМРО-ДПМНЕ на сметка на условно кажано овие политички лешинари за кои што ДУИ и СДСМ велат дека се антинато, проруски итн. Не само што не им успеа, под ова ВМРО-ДПМНЕ ќе биде посилно и ви гарантирам дека тоа многу скоро ќе се види на мерењата на јавното мислење“, кажа Мицкоски.

Претседателот на ВМРО-ДПМНЕ истакна дека Ковачевски одлучил да биде заробеник на Али Ахмети и ДУИ.

Каков легитимитет ќе има оваа Влада кога единствената политика што ги зближува покрај крадењето се овие предавства на македонскиот идентитет. Тогаш се поставува прашањето што понтаму? Токму тоа беше мојата цел на лидерската средба, кога сето ова ќе пропадне што понатаму? Не добив одговор затоа што имам работа со плитки политичари и луѓе кој освен да лажат и читаат тоа што им е кажано на ливче не можат понатаму да излезат од таа рамка бидејќи тука треба креативност, вештина, визија и план“, вели Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.