Првиот заменик претседател на Владата задолжен за европски прашања Бојан Маричиќ денес одржа средба со претставничката од Европскиот Парламент од Кралството Холандија, Тинеке Стрик.

 

На средбата Вицепремиерот Маричиќ ја истакна заложбата на Владата за реализација на европската агенда на државата. Посебно внимание беше посветено од страна на говорниците за успешната реализација на скрининг процесот, кој беше реализиран во 15 месеци, интензивна и темелна работа на институциите.

На средбата дискутираа за различни сегменти од областа на владеење на правото, за претстојните избори и за предизвиците на државата и регионот.

Двајцата соговорници се сложија дека забрзаниот пристап на Западен Балкан во ЕУ е од клучно значење за Македонија и регионот. Европратеничката Тинеке Стрик ја потврди поддршката за продолжување на евроинтеграцијата на државата во полза на сите граѓани со значителни придобивки за социо-економскиот развој на општеството.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.