По следните избори СДСМ ќе формира влада, тврди заменик претседателката на партијата, Сања Лукаревска.

Престојните избори ќе бидат во корист на СДСМ и ќе добиеме повторна шанса од граѓните, убедена сум, истакна Лукаревска во гостувањето на утринската програма на „Слободен печат“.

Според неа, Ковачевски како премиер кој ја води Владата веќе две години, ќе има уште еден мандат по изборите во 2024 година.

СДСМ ќе ја формира идната влада. СДСМ во моментов работи на победничката програма, активни сме на терен, имаме тимови за победа. Одлуките што ќе ги донесеме ќе бидат победнички, за победнички листи, победнички кандидати, победнички кандидат и за претседателските избори со европската агенда во кругот на сето тоа, рече Лукаревска.

Видовме, рече Лукаревска, кој колку си ја сака државата пред неколку дена во Собранието имавме прилика да видиме како се крши и уништува, а тоа е добар показател да се види кој и мисли добро на земјата.

Таа додаде дека опозицијата наместо да се залага за подобра перспектива на државата, преку нивните антиевропски политики ја враќаат државата назад и сакаат да ја држат државата во изолација како во времето пред 2016 година кога владееше криминалот и режимот.

Излеговме од изолацијата во којашто бевме до 2016 година, а тоа значи само едно: секогаш на страна на граѓаните.Покажавме во текот на нашиот мандат преку зголемување на минималната, просечна плата, пензиите, воведувањето на пакет на антикризни мерки и мерки за време на енергетската криза дека се грижиме за сите, рече заменик претседателката на СДСМ, Сања Лукаревска.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.