Претседателот на Собранието Талат Џафери денеска на брифинг со новинарите изјави дека постапката за уставни измени најдоцна би требало да почне во јуни – јули годинава за да заврши до ноември, кога завршува и скринингот од ЕУ.

Џафери рече дека не мисли дека избори ќе го решат проблемот со немањето доволно гласови (80) за уставни измени, туку дека тоа ќе ја искомпилицира целата работа. За тоа како да се надмине проблемот со мнозинството претседателот на Собранието вели, власта и опозицијата да седнат да разговараат.

-Јас можам да распишам избори само во моментот кога ќе се согласат политичките партии да се распушти Собранието или кога ќе заврши маднатот во последните 90 дена. Во други услови партиите треба да излезат со соодветен предлог, рече Џафери.

Собранието речиси и да нема кворум за работа, а Џафери вели дека тој прави се за да создаде услови за работа и оти тоа е единствена негова одговорност. – Во однос на партиска политичка одлука на пратениците немам одговорност, рече тој.

Според Џафери, обврска е на секој пратеник да биде на работно место без оглед дали е тоа мнозинството или опозицијата.

-Деловникот не вика дека има посебни права и обврски на мнозинството и посебни права на опозцијата, обврска е за секој пратеник да бдие на работно место и право да одлучува по односните прашања а како ќе се однесуваат пратениците тоа си е веќе нивна одговорност, рече тој.

Се очекува претседателот на Собранието да свика нова средба во рамки на Жан Моне процесот, а неговите најави се дека до април или мај треба да се знае дали ќе има нов деловник или измени на постојниот и процесот да заврши со присуство на европратениците.

Претседателот на Собранието вели нема информации до каде се разговорите за влез во Владата на Алијансата на Албанците и оти е тоа работа на политичките партии. Се додека пратеници од опозиција не го известат дека се дел од мнозинството, тој ќе смета дека состојбата во Парламентот е иста.

Џафери искажа добредојде за ново парламентарно мнозинство, појаснувајќи потоа дека секоја поддршка за работата на Собранието е добредојдена.

-Секако очекувам од тие информации што ги имам и што одат работиве, верувам дека тоа ќе резултира со соодветно позиционирање на соодветниот субјект, вели претседателот на Собранието Кога бисе случила седница за евентуална реконструкција на Влада, Џафери дециден дека се зависи од тоа како ќе завршат разговорите.

-Може да биде оваа недела, може следната, а може и да не биде, рече Џафери.

Од пратениците кои ја поддржуваат т.н. огнена група на ДУИ, Џафери вели дека на седници не доаѓа само Изет Меџити и оти доколку има некоја промена, тој ќе треба да го извести за неговиот статус. Останатите пратеници од ДУИ што се од огнената група доаѓаат во Собранието.

За неговото учество на партиските активности во ДУИ и за тоа дали со лидерот на партијата Али Ахмети разговара за немањето кворум во Собранието, Џафери вели дека со него разговара за се но дека

-Али Ахмети нема договор со мене за коалицирање, има со партнерите и тие се тие што треба да разговараат и да одлучат во однос на состојбата, а не со мене, рече претседателот на Собранието.

Џафери не смета дека има потреба за седница за односите со Бугарија на која министерот за надворешни работи би реферирал.

Претседателот на Собранието на денешната средба со новинарите оцени дека безбедносната состојба е стабилна, а други облици на влијанија вели дека има и затоа соодветно институциите кои се надлежни институциите да ја следат состојбата и соодветно да реагираат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.