Ковачевски се крие и збор не кажува за новонастаната ситуација во односите со Бугарија. Впрочем цела влада е на одмор и нема ниту еден ресорен министер да излезе во јаноста и каже каков е тој нов бугарски документ со нови услови за Македонија, се вели во партиското соопштение на опозициската ВМРО-ДПМНЕ.
Имено, Бугарија подготвува нов пишан документ кој треба да содржи нови обвски за Македонија и по кој веројатно бугарската страна ќе оценува дали Македонија ќе добие ново вето во некое поглевја, односно кластер. Патем министерот за надворешни работи Милков вели дека ваквиот пишан документ ќе им овозможи „систематски пристап и јасно запишани задачи и одговорности, за да може да се очекуваат и резултати“. Ковачевски треба да излезе и да каже што значи ова за Македонија. Кои се новите понижувања кои се подготвени да ги направат заради нивните лични кариери. Патем Милков, бугарскиот МНР меѓу редови вели дека СДСМ е партијата со која им оди работата, па логично се поставува прашањето дали и овој нов пишан документ Ковачевски и компанија прво ќе го негираат, па ќе го кријат, па ќе го прифатат и ќе го прикажат како историски момент, исто како што направија со сите предавства претходно, истакнуваат од ВМРО-ДПМНЕ.
Ваквите понижувања мора да престанат. Македонија мора да има цврсти национални и државни позиции. За жал со оваа влада тоа не е можно. Затоа народот треба да одлучи, додаваат од таму.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.