Димитар Ковачевски, актуелниот премиер на Македонија на Африм Гаши од Алтернатива му дал непристојна понуда за да остане во Владата. Ковачевски им го понудил единствено само министерството за информатичко општество и тие сега се на чекор да излезат од владеачката коалиција. Сметаат дека целта е да се избрка „Алтернатива“ од владата, за да имаат оправдување зошто „Алијанса“ ќе добијат значителен кадровски колач. Вака, на овој начин Ковачевски ја убива европската агенда на државата.
Како што претходно објави „Република“, Алтернатива излегува од Влада, а на нејзино место влегува Алијанса за Албанците.
Ако Алтернатива излезе од Владата, министертвото за информатичко општество ќе го добие Алијанса. Според договорот, освен министерствата за Здравство и за Правда, тие ги добиваат и заменик-министерските места во Одбрана и во Земјоделство, како и двајца државни секретари од кои едниот во Труд и социјала.
Добиваат и директорски позиции во МЕПСО, во ПИОМ, во просветниот инспекторат, во дирекцијата за управување со конфискуван имот и во тетовската болница.
Во бројни други дирекции ќе имаат заменички места. СДСМ го отстапува Правда, а го добива Животна средина и ги задржува УЈП и Царина. Коалицијата ќе биде официјализирана, откако договорот ќе биде одобрен од партиските Централни претседателства.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.