Министерката за труд и социјална политика, Јованка Тренчевска денеска учествуваше на конференцијата „Да кажеме Стоп на иселување на младите“, во организација на Прогрес институт.

 

Во своето обраќање министерката истакна дека прашањето за иселувањето на младите е исклучително сериозно, бидејќи токму од нив се очекува да бидат двигатели на реформите.

 

Живееме во време кога „границите се отворени“, а со тоа се е „достапно“, кога младите сакаат да ги избришат границите за да ги запознаат другите земји и култури, кога сакаат подобро вработување, подобри плати, образование и можности за напредок,“ рече Тренчевска.

 

Таа додаде  дека, денешната тема „Стоп за иселувањето на младите“,  е актуелна во изминативе дваесет години, бидејќи статистиката говори дека трендот на иселувањето на младите луѓе, не стивнува иако тој е намален поради ковид пандемијата.

 

Според министерката, иселувањето пред се на младите лица како глобален тренд е голем предизвик  и за нашата држава. Тоа значи загуби на човечки потенцијал и работна сила потребна за идниот развој на земјата. Согласно, анализите забрзан и одржлив раст на економијата може да го запре иселувањето на младите, што е воедно и цел на економската политика на Владата.

 

Таа посочи дека државата имплементира политики за вработување како и посебни закони кои придонесуваат за долгорочен позитивен ефект врз инклузивноста на младите во домашниот пазар на труд.

 

Преку Оперативниот план за активни програми и мерки  имплементираме програми за вработување, со што ја зголемуваме вработливоста. Минатата година од вкупно 11.292 лица вклучени  се 7.544 или 66,5% невработени млади до 29 години. Со имплементацијата на Гаранција за млади, само во 2021 година се вработиле 6.973 млади луѓе,“ рече Тренчевска.

 

Таа информираше дека, преку имплементацијата на Законот за младински додаток, минатата година 3.787 млади до 23 години, се стекнале со младински додаток.

Резултат од правилните политики е пораст на стапката на вработеност кај младите од 15 до 29 години. Од  4 ти  квартал од 2016 години од 29,3% вработеноста достигнала до  33,1%, 4ти квартал 2021 година.

 

Владата е партнер на младите луѓе.  Тие се важен дел од нашата сегашност и затоа креираме политики кои се базираат на три столбови. Првиот е  намалување на младинската невработеност, зголемување на пазарната вработливост и подобрување на квалитетот на животот на младите. Вториот столб е вклучување на младите во процесите на одлучување и третиот развој на нивните капацитети и давање шанса за креирање на општество по нивна мерка,“ рече Тренчевска.

 

Таа посочи дека, во новата владина програма преку таргетирани политики  се овозможува извесна и сигурна иднина на младите луѓе. За таа цел државата ќе ги покрие придонесите за секое вработено лице до 29 години кое ќе се вработи за првпат, а ќе следи и дополнителен стимул за секој месец, за секој нововработен.

А за сите кои не се подготвени за работи бидејќи се уште не развиле вештини, државата планира да го покрие трошокот на фирмите за да обезбедат вештини преку пракса.

Тренчевска се осврна на младинската невработеност, која од 43,2 проценти во 2015 година е намалена на 28,3 проценти во вториот квартал на 2021 година. Бројки кои потврдуваат дека политиките на Владата на Република Македонија, кои се однесуваат на младите даваат резултати.

На денешната конференција учествува претставници на младински културни центри и образовни форуми, експерти во креирање на јавни и младински политики и останати учесници.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.