Српските лекари сè уште се борат за животите на две македонски државјанки, седумгодишно девојче  и 52-годишна жена, кои вчера беа дел од сообраќајката на патот меѓу Белград и Нови Сад, во кој загина возачот Хрват. Тешко повредена е и 32-годишна жена.

Детали за сообраќајката кај Нови Сад: Четворица загинати меѓу кои и од Македонија

Од Заводот за здравствена заштита на деца и младинци на Војводина за „Блиц“ велат дека момчето (10) кое е полесно повредено во несреќата се чувствува добро, додека девојчето (7) за кое се претпоставува дека му е сестра е на интензивна Одделот за нега на Детска хирургија „во тешка состојба, но засега стабилна“.

Од Ургентниот центар на Универзитетскиот клинички центар во Војводина за „Блиц“ велат дека вчера по несреќата во таа здравствена установа биле примени двајца пациенти со тешки телесни повреди во вид на повеќекратни трауматски повреди на главата и телото.

Пациентката Ф.А. (52) е во тешка општа состојба, сместена на Клиниката за анестезија и интензивно лекување, каде се спроведуваат интензивни конзервативни лекувања, додека пациентката Л.А. (32) со стабилна општа состојба, сместена во Одделот за итна хирургија, каде е примена на конзервативен третман и опсервација, велат за „Блиц“ од болницата.

Полицијата од Нови Сад се уште официјално го нема објавено случајот. Хрватски државјанин загина во несреќата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.