Приведен е млад неготинец, кој со „мерцедес“ не застанал на полициски сигнал и се обидел да удри во полициско возило, информираа денеска од СВР Велес.

Синоќа во 22:30 часот на клучката Демир Капија, полициски службеници од ОВР Неготино го лишиле од слобода Б.М., на возраст од 28 години. Претходно, на автопатот во близина на Неготино, полициски службеници дале знак за запирање на патничко возило „мерцедес“ со скопски регистарски ознаки, кое го управувал. Но, тој продолжил со движење по локалните улици во Неготино и се обидел да удри во службено полициско возило, појаснуваат од СВР Велес.

За настанот бил известен јавен обвинител, а лицето било задржано во полициска станица. По документирање на настанот, против него ќе биде поднесена соодветна пријава.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.