Велешата полиција го пронајде возилото „Мерцедес“ со велешки регистерски таблички, а се уште трага по 29-годишниот А.Н. кој е осомничен дека доцна синоќа околу 22:15 часот на пешачки премин на ул „.Борис Трајковски“ во близина на ООУ „Васил Главинов“ во Велес усмрти 11 – годишно девојче и ја повреди нејзината 43 – годишна мајка Е.И.

Загина девојче на пешачки премин, мајката тешко повредена, возачот со „мерцедес“ избегал

Портпарол на СВР Велес, Ристе Самарџиев, појаснува дека во несреќата малолетничката починала на местото на настанот, а смрт констатирал лекар од Итна медицинска помош, додека со телесни повреди се здобила 43- годишната Е.И, констатирани во болницата во Велес.

Увид на местото на настанот извршил Јавен обвинител и екипа на СВР Велес.

По превземените мерки возилото беше најдено и се превземаат мерки за расчистување на случајот, појаснува Самарџиев.

Како што информира за МИА, д-р Елена Левкова Ќулумова, портпарол на ЈЗУ Општа болница Велес мајката имала отворена рана на глава и повреда на потколеница. Поврдеите биле санирани, а утрово била исратена на домашно лекување.

Мајката паднала на земја, детето исфрлено напред: Обвинителството со детали за сообраќајката во Велес во која загина девојче



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.