Тешка сообраќајна несреќа се случила, доцна попладнево во близина на дебарското село Долно Косоврасти, на делницата Дебар-Жировница, патен правец Дебар-Маврово.

Во судар на три возила повредени се десет лица, но за среќа сите се вон животна опасност.

-Веднаш по добиената информација возила на брза помош се упатија кон местото на несреќата. Само едно од лицата има скршени ребра, останатите се со помали повреди. Во тек е нивно соодветно згрижување. Според првите проценки, нема потреба за нивен транспорт во други институции, рече за МИА, Исмаилаки Клења, ортопед при Општата болница во Дебар.

Едно возило е со битолски, едно со скопски и едно со словенечки регистарски ознаки.

Поради сообраќајката создадена е колона возила, но набрзо се очекува да заврши увидот и да се нормализира сообрајќајот.

Извор: МИА


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.