Украинскиот претседател  Володимир Зеленски, пред почетокот на дводневниот самит Украина-Југоисточна Европа, што денеска почна во Тирана, на посебна средба го одликува премиерот Еди Рама со орден „Принц Јарослав Мудриот“.

За значаен личен придонес за зајакнување на меѓудржавната соработка, поддршка на државниот суверенитет и територијален интегритет на Украина, популаризација на украинската држава во светот, сe наведува во образложението за мотивот на наградата.

Во објава од средбата со Зеленски во неговиот кабинетот Рама напиша дека тој на Зеленски му подарил книга со наслов „Еди Рама“ каде на корицата се неговите добро познати скици.

Рама и Зеленски во просториите потпишаа договор за соработка со кој, според нив, се зајакнува и унапредува пријателството меѓу Албанија и Украина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.