Претседателот на Србија, Александар Вучиќ, доцна синоќа, во телефонско јавување на ТВ Пинк изјави дека се надева на деескалација на ситуацијата на Косово.

Сега го завршивме состанокот во Генералштабот, пред тоа генералот Милан Мојсиловиќ (началник на ГШ на Војската на Србија) разговараше со командантот на КФОР. Важно е што разговорот се одвиваше во коректна атмосфера, на професионален начин и се прифатија обврските на двете страни, пред се во размената на информации, бидејќи имаше многу невистини и дезинформации. Побаравме од меѓународните институции да влијаат на албанската страна да ги одложи одлуките пред да се сретнеме повторно во Брисел и се да се реши на мирен начин. Се надевам дека ситуацијата ќе деескалира – порача српскиот претседател.

Тој изрази голема благодарност до Србите од Косово за воздржаноста, како и до оние кои ја поддржаа Србија, додавајќи дека се работи на смирување на состојбата.

Колку и да беше тешко, нема да има предавање, Србија ќе победи – нагласи Вучиќ и додаде дека акцијата на Приштина на Косово е одамна планирана, но и дека Белград прави се за да ја смири ситуацијата.

Тој посочи дека според се она што е направено и кажано се покажало колку долго се подготвувала акцијата на напад врз Србија.

Од регионалните до другите безбедносни служби до медиумите на оние земји кои однапред ја обвинија Србија дека е јасно оти по налог на Русија ќе изврши инвазија на таканаречената суверена земја, иако според меѓународните акти тоа е наше земја – порача Вучиќ.

Тој додаде дека тоа е подготвена матрица за да се види како ќе изгледа кога ќе дојде до посериозни инциденти.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.