Од денеска стапуваат на сила новите мерки воведени во врска со пандемијата, а поради ризикот од ширење на омикрон сојот на коронавирус во Албанија.

Техничкиот комитет на последната седница соопшти дека од 4 јануари вработените во јавната администрација, трговските центри и супермаркетите ќе треба да достават потврда за вакцинација за да одат на работа. Ако немаат сертификат, оние кои не сакаат да се вакцинираат ќе мора да прават ПЦР тест на секои 5 дена.

Во меѓувреме, полицискиот час продолжува од 23 до 6 часот наутро. Останува на сила наредбата за употреба на маски во затворени простории, во трговски центри, супермаркети, продавници и на сите оние места каде што не е обезбедено физичко растојание.

Останува на сила наредбата да се дозволи собирање до 50 луѓе и културни и спортски активности до 30 отсто од капацитетот во присуство на гледачи, јавува A2CNN.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.