Се појавија нови грозоморни детали од бруталното седумчасовно силување на 11-годишно девојче во Приштина, а има различни верзии за настанот.

Во вторникот беше уапсен петтиот осомничен за силување Ш.К. Претходно во Приштина биле уапсени Екрем Р.(26) и неговиот брат Г. Р. (16), како и Г.Ј. и Џ.С, од кои тројца се малолетни,  под сомнение дека седум часа силувале 11-годишна девојка, а по приведувањето им одреден притвор.

Изминативе денови се појавија неколку верзии за настанот, а на Инстаграм страната „feminsm.ks“ детално е опишан хоророт што го доживеала несреќната девојка. Како што е наведено на споменатата страница, хоророт почнал во паркот кога најстариот од силувачите и пришол на девојката.

Единаесетгодишно девојче било во парк во Приштина кога и пришол Е.Р. (26) и и рекол „Душо, ми се допаѓаш“, набргу потоа ја допрел по стомакот и грбот. Ја ставил во непријатна ситуација, но таа не можела да реагира бидејќи насилникот и ја ставил раката преку уста за да молчи.

 

Таму бил и неговиот помал брат. Го соблекле девојчето, а Е.Р. бил првиот што силувал. Бруталното искуство го продолжил неговиот помлад брат Г.Р. Но, и тоа не им било доволно, па набрзо им се придружиле и тројца пријатели кои еден по еден ја силувале – наведуваат на споменатата страница на Инстаграм и додаваат дека бруталното искуство траело седум часа.

Претходно, косовските медиуми објавија друга верзија за случајот, повикувајќи се на неофицијални информации од полициски извори.

Тројца малолетници почнале да ја силуваат девојката во парк во населба во Приштина, а потоа еден од нив го повикал својот брат Екрем Р. (26). Тој е осомничен дека таму отишол со својот пикап. Од тоа место отишле на друга локација каде по кратко време Екрем Р., наводно, го запрел автомобилот и го силувал малолетно девојче. Потоа, тој го повикал и петтоосомничениот да им се придружи во злоставувањето – објавија локалните медиуми.

Случајот во полиција го пријавила мајката на несреќното девојче.

Мајката изјавила дека девојчето излегло од куќата во саботата попладне и дека ја нашле дури по полноќ во катастрофална емотивна состојба, по што детето и признало што и се случило – објавија медиумите.

Семејствата на силуваните девојчиња во Косово бараат тие да се омажат со својот деспот, предупреди адвокатот Хакиу

Одделот за тешки кривични дела на Основниот суд во Приштина им одреди 30 дена притвор на петтемина осомничени за силување на 11-годишно девојче.

Од тој суд наведуваат дека судијата за претходна постапка го прифатил барањето на Основното обвинителство за определување мерка притвор.

При определувањето притвор, судот ја имал предвид тежината на кривичното дело, начинот и околностите под кои е извршено кривичното дело за кое постои сомневање дека е сторено против оштетената, која е малолетник – се наведува во соопштението.

Инаку, случајот со силување на девојчето пред три дена предизвика големо внимание во јавноста. Полицијата успеа да идентификува и уапси петмина осомничени млади момчиња, а соопшти дека се уште го истражува случајот со сексуална злоупотреба во Приштина.

Екрем Р.(26) има криминално минато и против него има вкупно девет пријави, меѓу кои кражба и семејно насилство.

Директорот на полицијата поднесе оставка

Во меѓувреме, Самедин Мехмети, директорот на полицијата во Приштина, поднесе оставка поради силувањето, соопшти министерот за внатрешни работи Џељаљ Свеќља.

Премиерот на приштинските привремени институции Аљбин Курти го прифати разрешувањето на Мехмети и за нов в.д. директор го назначи Фехми Хоти, поранешен заменик-директор на полицијата – објавија косовските медиуми.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.