Граѓаните на Белград, Нови Сад, Крагуевац и Сремска Митровица најмногу одговорија на доброволното предавање на нелегалното оружје во Србија во текот на три недели, пропорционално на бројот на жители.

Според податоците на Службата за сузбивање на криминал при Управата за криминалистичка полиција, до петокот навечер биле предадени 36.265 парчиња оружје, 9.943 мини-експлозивни направи и 1.817.190 парчиња муниција, а акцијата ги надминала сите претходни, пишува денеска Политика.

Меѓу другото, граѓаните предале систем за наведување противоклопни ракети „маљутка“, а еден граѓанин предаде направа на која беа закачени 4,6 килограми високоразорен експлозив.

Граѓаните донеле и наполнети ракетни фрлачи „Зоља“, нагазни мини, бомби, противвоздушна муниција, автоматски пушки „Калашников“, „Шмајсер“, познати од Втората светска војна, примероци од оружје од Првата светска војна, па дури и кубура од 1847 година



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.