Бугарската полиција стави во употреба дронови за следење на границите во обид да се избори со илегалното преминување на мигранти.

Веќе неколку дена по наредба на министерот за внатрешни работи користиме дронови со кои ја покриваме целата територија на границата. Од една страна го контролираме протокот на бегалци, од друга – контрола на сопствените вработени, кои се лоцирани покрај самата линија – изјави Станимир Станев заменикот главен секретар на Министерството за внатрешни работи на Бугарија.

Според него, има и зголемено присуство на МВР и воен персонал. Станев изјави дека за 24 часа властите успеваат да спречат околу 1.000 луѓе кои сакаат да влезат во државата.

Во Бугарија доаѓаат шестпати повеќе мигранти отколку лани

Тој посочи дека изминатите 24 часа има 25 мигранти кои илегално ја преминале земјава, главно се од Авганистан и Сирија. Според него, бројката се намалува како резултат на преземените дејствија.

На прашањето за можна заштита од страна на вработени во МВР за минување на мигранти, тој рече: „Точно, има такви сигнали и можам да ве уверам дека работиме со сите структури кои се вклучени во истрагата за колегите од МВР“.

Тој информира и дека наскоро ќе бидат извезени и податоците од инспекциите и дека станува збор за луѓе кои работат на ниско и средно ниво во системот.

Запрашан за сумите добиени за преминот, тој потсети на зборовите на вршителот на должноста министер за внатрешни работи, Иван Демерџиев, дека превозот на еден мигрант чини 1.000 евра.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.