Претседателот на воениот комитет на НАТО, адмирал Роб Бауер, при посетата на Подгорица истакна дека КФОР е доволно екипиран и дека нема потреба од зголемување на црногорскиот контингент.

Бауер додаде дека НАТО го зголемува бројот на војници во мисиите според потребите и засилувањата не треба да доаѓаат од одредени земји.

Командантот на нашите сили никогаш нема да каже: „Немам доволно мажи од Холандија, немам доволно војници од Британија“. Не учествуваат сите земји во секоја мисија, ова не е колективна одбрана“, изјави Бауер.

Во КФОР моментално има само двајца црногорски војници.

Претходно, шефот на Министерството за одбрана на Црна Гора, Драган Краповиќ, изјави дека Подгорица ќе го зголеми бројот на своите војници на источните граници на НАТО.

Ќе имаме војници во Летонија и Бугарија, но ќе продолжиме да испраќаме војници во Косово и во Ирак“, изјави Краповиќ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.