Шпанскиот фудбалски прволигаш Селта Виго го раскина денеска договорот со тренерот Рафаел Бенитез, осум месеци откако беше назначен на должноста.

Селта, која е 17-пласирана на табелата во Ла Лига, „не ги постигна резултатите кои клубот ги очекуваше“ под водство на поранешниот тренер на Реал Мадрид, Челзи и Ливерпул, се појаснува во клупското соопштение.

„Клубот му изразува најголема благодарност на Рафа Бенитез и неговите помошници на искрениот и професионален однос кои го покажаа од своето доаѓање“, порача Селта.

Клубот од Виго досега собра 24 бодови, два повеќе од зоната на испаѓање.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.