Шпанскиот фудбалски прволигаш Реал Мадрид негираше дека води преговори да го донесе во своите редови напаѓачот на ПСЖ, Килијан Мбапе.

Реал долго време беше заинтересиран за 24-годишниот француски репрезентативец, но Мбапе во минатото ја одби понудата од мадридскиот клуб.

И покрај тоа, во дел од шпанските медиуми во последно време се појавуваат информации дека Mбапе би можел да се пресели на „Сантијаго Бернабеу“ кога ќе му истече договорот со актуелниот француски првак.

„Реал Мадрид сака да соопшти дека овие наводи се целосно невистините и оти немало преговори со фудбалерот кој припаѓа на ПСЖ“, соопшти Кралскиот клуб.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.