Маурицио Покетино повеќе не е тренер на Пари Сен-Жермен. Парискиот клуб за ова денес преку соопштение ја информира јавноста.

– Нашиот клуб потврдува дека го завршивме нашето партнерство со Покетино. Им благодариме на Маурицио и на неговиот стручен штаб за нивната работа и им посакуваме се најдобро, се вели во соопштението на парижаните.

Покетино официјално го презеде ПСЖ во јануари 2021 година и на лето го продолжи договорот до 2023 година.

Педесетгодишниот Аргентинец со клубот го освои Купот и Суперкупот на Франција, како и шампионската титула оваа сезона. Во 1/8-финалето на актуелната Лига на шампиони, ПСЖ загуби од Реал Мадрид (1:0, 1:3).

Се очекува денес ПСЖ да одржи прес-конференција, на која со голема веројатност ќе биде објавено именувањето на Кристоф Галтие за нов селектор на тимот

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.