Билетите за воведниот натпревар на македонската фудбалска репрезентација во квалификациите за ЕУРО2024 против Украина ќе бидат пуштени во продажба в понеделник, објави попладнево Фудбалската федерација на Македонија (ФФМ).

Влезниците за гостувањето на Украина на Националната арена „Тодор Проески“ во Скопје, на 16 јуни, ќе се продаваат по цена од 300 и 400 денари.

Навивачите ќе можат да купат влезници на билетарата на Арената како и преку продажната мрежа на MKTickets со физичко присуство.

Едно лице може да купи најмногу четири влезници, а билети ќе бидат задолжителни и за деца независно од нивната возраст.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.