Нејмар се надева дека ќе се врати во Барселона по две сезони во Ал Хилал. Триесет и едногодишниот Бразилец нема да ја активира опцијата за продолжување на договорот со саудискиот клуб на уште една година, пишува „L’Equipe“.
Тој сака да се врати во каталонскиот клуб пред Светското првенство во 2026 година.
Беше објавено дека за две години во Саудиска Арабија напаѓачот ќе заработи 320 милиони евра. Оваа сума вклучува и плата и приходи од спонзорски договори и други комерцијални активности.
Во исто време, исклучена е позајмицата на Барселона, за која пишува шпанскиот печат. Нејмар сметаше на враќање во Барса ова лето и беше подготвен да ги намали барањата за плата. Но, тоа беше спречено од финансиските ограничувања што ги има клубот.
ПСЖ од продажбата на Нејмар во Саудиска Арабија ќе добие 100 милиони евра
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.