Утре на Градскиот стадион ќе се одигра мечот од квалификациите на Конференциската лига меѓу Шкупи и Левски. За она што се сеќаваат Левски е тимот од филмот на Дарко Митревски „Трето полувреме“ кој за време на бугарската окупација играше со ФК Македонија и му ја одзеде титулата.

Но, сега се некои други времиња и ова е натпревар од висок ризик поради ситуацијата меѓу Македонија и Бугарија и уцените кои источниот сосед од нас ги бара за да почнеме преговори со ЕУ.

Навивачите на Левски важат за едни од најрадикалните и националистички настроени. Околу 1000 од нив ќе дојдат во Скопје за да го бодрат својот тим но и да провоцираат.

На нивната Фејсбук страница веќе има препораки по која рута да се движат низ градот и во никој случај да не носат ладно оружје бидејќи македонската полиција нема толеранција.

Натпреварот утре почнува во 21 часот и е меч од висок ризик.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.