Миленикот на публиката, еден од нашите најпопуларни пејачи, Влатко Лозаноски – Лозано за празникот Илинден ќе настапи во Маврово. Заедно со својот бенд ќе одржат двочасовен концерт во ексклузивниот ресорт „Радика“, а гости се очекуваат од повеќе градови на нашата земја, со оглед на тоа дека овој познат туристички центар е преполн за овие празнични денови…

Ова е мој прв настап во Маврово како што паметам и искрен да бидам многу се радувам. Сум пеел скоро во сите градови во Македонија, но ова ќе биде прв настап во Маврово. Јас сум сигурен јас и мојот бенд ќе го дадеме максимум од себе и дека ќе направиме концерт за паметење, накусо изјави популарниот пејач.

Инаку Лозано цело лето има набиена агенда со настапи. Неодамна беше настапот на „Пиво-фест“ во Прилеп, па на 30 јули следува заедничкиот концерт со „Некст тајм“ на Антички театар во Охрид, па на 2 Август во Маврово, па потоа Струмица, Кичево, Богданци и уште неколку други градови…



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.