Гитаристот Брајан Меј беше прогласен за витез од кралот на Велика Британија, Чарлс Трети, вчера, во Бакингемската палата на кралското семејство во Лондон, Велика Британија. Отсега името на музичарот ќе биде официјално придружено со титулата „сер“.

Со тоа, сер Брајан влезе во друштвото на Мик Џегер од „Ролинг стоунс“, Елтон Џон и други познати личности од британската и светската сцена.

Меј беше прогласен за витез за заслуги во областа на музиката и филантропијата.

Брајан Меј со десетлетија е член на една од најпопуларните рок-групи на сите времиња, а е познат и по својата борба за заштита на правата на животните. На инаугурацијата тој беше придружен од својата сопруга, глумицата Анита Добсон.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.