Бројни ѕвезди сакаа да ја изразат својата поддршка за земјата погодена од руската инвазија. Од сини панделки закачени на фустаните и смокинзите, до говорот на Мила Кунис и до едноминутното молчење во театарот Долби.

Имаше и ѕвезди кои решија да се појават на црвениот тепих со мали „скриени пораки“ во нивните модни комбинации за поддршка на Украина. На пример, некои познати личности закачија сина лента со хаштагот #withrefugees на нивните фустани: меѓу нив актерката Џејми Ли Кертис, композиторот Алберто Иглесијас, Дајан Ворен, Јун Јух-јунг , Паоло Соренто…

Џејсон Момоа, од друга страна, избра да додаде жолто-сино марамче на својот темен смокинг, вметнат во џебот од сакото.

Даг Хемхил, член на персоналот на наградуваниот филм Дина, со игла закачи украинско знаменце на реверот од неговото сако, додека други ѕвезди сакаа да им се слушне и гласот.

Во својот говор за прослава на 50-годишнината од „Кум“, Френсис Форд Копола извика „Да живее Украина“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.