Доколку некој сака да влезе во убаво друштво на големи музички ѕвезди во 2023-та година, за тоа ќе треба да потроши значителна сума на пари. Најскапата карта е за настапот на Лепа Брена и се движи од 300 до 350 евра.

Цената зависи од положбата на масата во салата и вклучува елегантно место за седење, целосна вечера и неограничено конзумирање на алкохолни и безалкохолни пијалоци во текот на ноќта, оние кои се во понуда. Секој пијалок што не е вклучен во билетот ќе треба дополнително да се плати. Поскапите места се поблиску до музиката, додека поевтините се малку подалеку.

Веднаш зад неа е Аца Лукас.

Билетот за неговиот настап чини од 180 до 200 евра, во зависност од положбата на масата во самата сала, која вклучува елегантно место за седење, комплетна вечера и една чаша шампањ од престижен бренд. Има и бар маси, за кои цената по лице е 100 евра и вклучува комплетна вечера, но не доаѓаат со резервација на столчиња.

Дара Бубамара – од 70 до 110 евра

Дара Бубамара за Нова година ќе пее во клуб на периферијата на Белград, а според веб-страницата, билетите за таа вечер ќе чинат од 70 до 110 евра за едно лице.

Рада Манојловиќ – од 130 до 200 евра

Рада ќе пее со колегата Амар Гиле во познат хотел во Нов Белград, во кој се сместени околу 550 луѓе. Цената на билетите се движи од 130 до 200 евра.

Дарко Лазиќ и Андреана Чекиќ – од 150 до 210 евра

Она што ќе ја направи новогодишната ноќ со Дарко и Андреана поинаква од другите е тоа што по вечерата (околу два часот по полноќ) на гостите ќе им биде послужен куќниот специјалитет – бурек со сирење и бурек со месо. Цените на билетите се од 150 до 210 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.