Хроничната дехидрација може да предизвика неколку здравствени проблеми, а за да ги избегнете потребно е да пиете доволно вода во текот на денот, а покрај водата тука се и намирниците кои се богати со вода и се одличен извор на хидратација.

Моркови

Покрај тоа што се богати со вода, морковите се и неверојатен извор на витамин А, кој го поддржува здравјето на очите и имунолошкиот систем. Има многу одлични начини да го вклучите овој зеленчук во вашиот летен план за оброци, одличен е во салати и шејкови и навистина освежува.

Краставици

Краставиците содржат дури 96 отсто вода, имаат малку калории, протеини и масти и се добар извор на влакна. Идеални се за сите варијанти на детоксикација, салати, ладни чорби и сокови.

Домати

Доматите содржат повеќе од 90 отсто вода, нискокалорични се, содржат калциум, калиум и фосфор, како и витамини А, Ц и Е. Витаминот Е е особено важен за правилно функционирање на имунолошкиот систем и служи како антиоксиданс.

Лубеница

Иако е сосема очигледно дека е богата со вода, лубеницата има и други нутритивни придобивки. Околу 300 грама лубеница содржи 80 калории, така што нема маснотии, таа е добар извор на витамин А, калиум, магнезиум, тиамин и фосфор. Таа е одлична летна храна за топлите денови.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.