Времето денеска ќе биде сончево со мала до умерена облачност и ќе дува слаб до умерен јужен ветер. Минималната температура ќе биде во интервал од -1 до 8, а максималната од 17 до 24 степени.

Во Скопје ќе биде исто сончево со мала до умерена облачност и со слаб до умерен ветер од јужен правец. Минималната температура ќе се спушти до 2, а максималната ќе достигне до 23 степени.

За време на викендот, утрата ќе бидат студени, а дневната температура ќе биде во пораст, кој ќе биде позначителен кон почетокот на следната седмица.

– Во понеделник во западните делови ќе започнат врнежи од дожд, а во вторник ќе биде и нестабилно со повремено пороен дожд и појава на грмежи и засилен ветер, најавува Управата за хидрометеоролошки работи.

Од почетокот на следната седмица се најавува ветровито време со умерен до повремено засилен јужен ветер.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.