Регионалниот центар за управување со кризи на Град Скопје, по добиеното известување од ЕВН, информира дека денеска поради технички зафати во електро дистрибутивната мрежа, без електрична енергија ќе останат делови од село Ново Село, Општина Ѓорче Петров, населбите Хром, Усје, Драчево и дел од село Зелениково.

Прекинато пак водоснабдување денеска ќе имаат корисниците во Скопје од ул. „Македонско Косовска Бригада“, ул. 11, Ромско Маало, Касарна Илинден и објектите во околината, во Општина Карпош и Општина Чаир.

Без струја од 08:30 до 13:00 часот, ќе бидат корисниците од дел од ул. „Волковска“ во село Ново Село, Општина Ѓорче Петров. Поради активности за поставување на кабелски електричен вод, екипите на ЕВН Македонија на дел од улицата „Волковска“, во населено место Ново село, во текот на денот во временски периодот од 8 часот наутро до 13 часот попладне, ќе воведат времен режим на сообраќај. Времениот режим ќе биде обележан со соодветна сообраќајна сигнализација.

Од 09:30 до 11:30 часот, без струја ќе бидат корисниците од дел од населбата Усје, Општина Кисела Вода, од 09:00 до 13:00 часот, корисниците од ул. „Манчу Матак“ во населбата Хром, Општина Ѓорче Петров), од 09:00 до 14:00 часот, корисниците од ул. „Румена Хаџипанзова“ во населба Драчево, Општина Кисела Вода и од 09:00 до 14:00 часот, корисниците од дел од село Зелениково.

Од ЈП Водовод и канализација – Скопје, информираат дека денеска поради изведување на два водоводни приклучоци на водоводна мрежа со пречник од ф-250 мм на ф -200мм и ф-250 мм на ф -80 мм, на ул.1688 бб (во кругот на касарна Илинден), од 08:30 часот до завршување на работите, прекинато водоснабдување ќе имаат корисниците од улиците „Македонско Косовска Бригада“, Ромско Маало, Касарна Илинден и објектите во околината, Општина Карпош и Општина Чаир.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.