Во Турција од 1 јули ќе биде зголемена максималната брзина на возење по автопатите, соопшти турското Министерство за внатрешни работи.

Од 1 јули возачите ќе можат да ја подигнат брзината на возење до 130 километри на час по автопатот Едрене- Шанлиурфа, а по други автопати меѓу кои Кузеј-Мармара, Истанбул-Измир, Анкара-Нигде до 140 километри на час, јави Си-Ен-Ен-Турк.

Турскиот министер за внатрешни работи Сулејман Сојлу минатиот месец објави дека од 1 јули во Турција ќе биде зголемена максималната брзина на движење по автопатите.

Во моментов максималната дозволена брзина е 120 километри на час.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.