На страницата Amazing Maps е споделена карта на Европа, на која се претставени најпопуларните имиња за девојчиња во различни земји.
Со оглед на тоа што мапите кои истакнуваат интересни податоци за земјите ширум светот стануваат сè попопуларни, на една од нив е претставено кои се најчестите имиња за девојчиња во земјите од Европа во 2023 година. Податоците за картата се преземени од веб-страницата Fatherly.
Јана е најпопуларното име во Македонија. Едно од најчестите имиња претставени на картата е Софија. Ова име е најзастапено во соседните Србија и Црна Гора, но и во Италија, Русија и Словачка.
Најчестото име во БиХ е Сара. Во Хрватска најпопуларното име за девојчиња минатата година е Миа, а истото било и најчестото име во Швајцарија, но и во Естонија. Во Словенија, девојчињата најчесто ги нарекувале Ема во претходната година и Амелија во Албанија.
Во Португалија и Грција најчесто име за девојчиња било Марија, а во Шпанија Лусија. Во Турција тоа е Зејнеп, а во Велика Британија и Финска е Оливија.
Токму овие имиња беа меѓу најчестите ширум светот во 2022 година, според истражувањето на BabyCentre.
Во тоа време, имињата Софија, Оливија, Амелија, Миа, Емили, Изабела, Хана, Ема, меѓу другите, беа наведени меѓу стоте најпопуларни.
View this post on Instagram
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.