Проблеми во кралското семејство? „Најтажната принцеза го гледа својот сопруг само кога мора…“

Според германските и француските медиуми, принцезата Шарлин од Монако „живее во Швајцарија“ и се гледа со својот сопруг принцот Алберт Втори само од церемонијални причини.

Шарлин (45), која многумина ја нарекуваат најтажната принцеза на светот, летото го поминала на патување со својот сопруг Алберт Втори од Монако (65) и нивните осумгодишни близнаци Жак и Габриела. Сепак, принцезата не се вратила во палатата и живее во странство, што ги поттикна шпекулациите за проблеми во бракот.

Извор близок до двојката изјави за францускиот весник „Воици“ дека синот на поранешната олимписка пливачка и актерка Грејс Кели е само „пар за церемонии“. Додаде и дека Шарлин ветила дека ќе се враќа во Монако на официјални прилики и дека сега може почесто да се гледа со своите деца. Двојката помина десет месеци разделени, по нејзиното патување во родната Јужна Африка.

Таа не беше видена во Монако од јануари 2021 година до март 2022 година, наведувајќи ги проблемите со увото што ја спречија да лета.

При неговото враќање во кнежевството, принцот Алберт тврдеше дека таа е „преморена“ и во „лоша“ состојба. Зборувајќи за People, тој рече дека семејното обединување по нејзиното враќање на почетокот поминало прилично добро, но потоа станало очигледно дека на Шарлин не и е добро.

Таа сфати дека и треба помош. Беше преоптоварена и не можеше да се соочи со службените должности, па дури ни со семејниот живот – рекол принцот.

Откако разговарала со семејството, принцезата решила да замине на лекување во Швајцарија, тие негирале дека се работи за некаков вид на рак или проблеми во врската и побарале приватност. Двојката се венчаше во 2011 година, а гласините за раскинување започнаа уште порано, кога принцезата во март се појави во Милано без свршеничкиот прстен. Како причина се споменува Никол Кост, мајка на првиот син на Алберто.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.