Стравично злосторство се случи во јужен Лондон кога мајка си ги убила двата малолетни сина, а потоа се самоубила.

Се претпоставува дека шефицата на една компанија за недвижности Надја Де Јагер (47) ги задавила или ги задушила своите синови Александар (9) и Максимус (7), а потоа се самоубила.

Нивните тела беа откриени во нивниот дом во јужен Лондон во четвртокот наутро, откако полицијата одговорила на повик. Нејзините синови биле прогласени за мртви на лице место, пишува Сан.

Детективите велат дека не бараат никој друг како осомничен во врска со страшното злосторство.

Не било употребено оружје, а ќе биде извршена обдукција за да се утврдат точните причини за смртта на децата.

Надлежниот инспектор Оли Страјд изјави за медиумите дека ова е страшно тажен случај и дека полицијата продолжува да ги утврдува околностите што довеле до овој трагичен инцидент.

Соседите велат дека Надја пред извесно време се развела од таткото на децата, Херман Де Јагер.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.