Упорно пробуваме да направиме нешто практично невозможно, а притоа си ја трошиме целат енергија. На крај, не сме направиле ништо, а сепак сме исцрпени за што било друго.

Овен: Одбивате да направите пауза
Вие сте личност која не може да стои во место и донекаде ова му додава некој шарм на вашиот карактер.

Но, проблемот е што никој не може постојано да биде во движење. Кога-тогаш ќе мора да запрете и да одморите.

Сепак, вие тврдоглаво одбивате да го направите тоа плашејќи се дека ќе испуштите нешто.

Вие сте амбициозна личност, но не треба да се уништите поради вашите амбиции.

Бик: Убедени сте дека сè во вашиот живот мора да биде совршено
Вие сакате рутина и структура во вашиот живот. Секако, нема ништо лошо во ова.

Знаете што сакате од вашиот живот и тоа е одлично, но проблемот е што кога работите не ви одат по план, не можете да се помирите со тоа. Па, ја трошите целата енергија пробувајќи да го смените тоа.

Вие сакате сè да биде како што сте замислиле и најмалото скршнување од рутината ве уништува.

Мора да прифатите дека многупати во животот работите ќе бидат далеку од совршени и нема да имате контрола над тоа.

Близнаци: Страв ви е дека ќе испуштите нешто
Вие сте личност која не сака да го користи зборот „Не“, но некогаш мора да го направите и тоа.

Имате многу пријатели и постојано добивате покани и понуди за сè и сешто. И, плашејќи се дека ќе испуштите нешто, ги прифаќате сите, дури и кога немате енергија за буквално ништо.

Морате да си дозволите одвреме-навреме да одморите.

Рак: Одбивате да се грижите за себе
Поголемиот дел од времето го поминувате во грижа за другите. Сакате да бидете сигурни дека вашите сакани се безбедни, дека се чувствуваат добро и дека ја добиваат потребната поддршка од вас.

Ова ве прави одлична личност, но поради ова и заборавате на себе.

Вие целосно ги запоставувате вашите потреби и дозволувате другите да ви ја украдат целата енергија.

Ако продолжите со ова темпо, наскоро нема да можете да им помагате ни на саканите.

Лав: Си создавате притисок да бидете совршени
Како личност која е постојано во центарот на вниманието, разбирливо е што сакате другите да имаат добро мислење за вас.

Но, вие копнеете по совршенство, очекувате сите да ве сакаат и си создавате огромен притисок со ова.

Толку многу сте загрижени за тоа ако изгледате во очите на другите, што не ви останува енергија за ништо друго.

Девица: Сакате да ги „поправите“ сите
Вие мислите дека ваша задача е да ги решите проблемите на другите и да ги „поправите“ нивните недостатоци.

Вие сте перфекционист и очекувате и другите да бидат такви, па трошите многу енергија пробувајќи да ги претворите во личности како вас.

Мора да престанете да се обидувате да ги промените сите и да почнете да се фокусирате и на себе.

Терезија: Им дозволувате на сите да ве користат
Вие мразите конфликти, па скоро секогаш им дозволувате на другите да ве „газат“.

Знаете дека не можете да ги контролирате зборовите и постапките на другите, но знаете дека ако молчите и ако им дозволите да прават и кажуваат што сакат, ќе ги избегнете конфликтите.

Генерално, целата енергија ја трошите бегајќи од проблеми и конфликти, наместо да ги решите и да се ослободите од нив.

Скорпија: Пробувате да ја зачувате вашата приватност по секоја цена
Сосема во ред е што сакате да ја зачувате вашата приватност. Нормално е да не сакате целиот свет да го знае секој детаљ од вашиот живот.

Но, проблемот е што неретко ја трошите целата енергија обидувајќи се да се скриете од другите.

Правите сè во ваша моќ за да го скриете вашето вистинско лице, а ова може да биде исцрпувачко.

Стрелец: Чувствувате притисок постојано да бидете среќни
Вие сте најзабавната личност во секое друштво и сите ви се обраќаат вам кога сакаат да си го подобрат расположението.

Сепак, некогаш ова е обврска која ве става во положба постојано да морате да бидете добро расположени. А, тоа може да биде навистина исцрпувачко.

Не заборавајте дека не сте должни постојано да бидете насмеани – дозволете си да имате и лош ден.

Јарец: Си поставувате нереални цели
Вие сте најамбициозниот хороскопски знак и не застанувате додека не ја постигнете целта што сте си ја замислиле.

Но, неретко се преценувате и си поставувате цели кои е навистина е невозможно да се исполнат.

Поради ваквите цели, постојано чувствувате притисок да се трудите повеќе и повеќе.

Мора да бидете пореалистични и одвреме-навреме да си дозволувате да одморите.

Водолија: Мислите дека треба да ги решите проблемите на целиот свет
Вие сте личност со огромно срце, но токму поради ова мислите дека треба да ги решите сите големи проблеми во светот.

Се чувствувате одговорни за среќата на сите околу вас, па дури и луѓе кои не ги ни познавате.

Сепак, не можете сами да го промените светот, а обидите да го направите тоа само залудно ви ја трошат енергијата.

Фокусирајте се на она што е во ваша контрола и прифатете дека некои проблеми не се ваши за решавање.

Риби: Ги впивате емоциите на сите
Обично вие сте личноста која е овде за другите – внимателно ги слушате сите кога се жалат и го давате најдоброто од себе за да им помогнете.

Проблемот е што додека трае ова, вие ги впивате негативните емоции на другите и почнувате да ги гледате нивните проблеми како ваши.

Ова, нормално, ќе ви ја одземе целата енергија, па не можете да се погрижите за себе.

Во ред е да им помагате на другите, но пробајте и вие да ги споделувате вашите емоции и да побарате помош од другите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.