Украинскиот претседател, Володимир Зеленски, изјави дека меѓународните експерти подготвуваат прилично тешки одлуки за државата и армијата.

Меѓународните експерти подготвуваат доста тешки одлуки за Украина, за нашите војници. Сега даваме се од себе, не го правиме тоа јавно – за резултатите на нашите војници, кои сите ќе ги видат, да станат најдобри“, изјави Зеленски.

Во видео обраќање, тој потсети дека е одржана важна меѓународна средба со премиерот на Катар, шеикот Мохамед бин Абдулрахман Ал Тани.

Најважно е дека Катар ќе биде со нас во спроведувањето на Формулата за мир, тој се приклучува на заедничките глобални напори. Се договоривме за соработка за враќање на украинските деца депортирани во Русија. Разговаравме за ситуацијата околу Црноморската иницијатива за жито. Многу е важно на светскиот пазар да нема недостиг од храна и да нема криза предизвикана од Русија, изјави Зеленски и наведе дека се работи за глобална стабилност.

Зеленски уште еднаш го честита вчерашниот Национален ден на Украина и им се заблагодари на сите кои помагаат да се зајакне таа земја.

Како што претходно објави украинската агенција ТСН, Зеленски по повод националниот празник изјави дека историјата на украинската државност покажува дека е неопходно да се победи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.