Украинските воздухопловни сили утринава соопштија дека во текот на ноќта ги собориле сите 29 беспилотни летала лансирани од Русија над осум украински региони, предизвикувајќи само мала штета.

Русија, исто така, лансираше три наведувани ракети Кх-59 за време на нападот, се вели во соопштението на воздухопловните сили, пренесоа британските медиуми.

Гувернерот на централниот регион Черкаси рече дека остатоци од беспилотни летала оштетиле прозорци на приватно претпријатие, додека гувернерите на регионите на Киев, Полтава и Кировоград не пријавиле штета на инфраструктурата и нема жртви.

Гувернерот на јужниот регион Миколаев изјави дека тамошните воздушни сили собориле пет беспилотни летала, но не кажа дали нападот предизвикал некаква штета.

Уште осум беспилотни летала беа соборени над јужниот регион Херсон, рече гувернерот на регионот.

Во вчерашните руски напади врз тој регион во текот на изминатиот ден, едно лице загина, а 13 се повредени, рече тој.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.