Единаесет лица поврзани со компанијата за управување со отпад Think Pink се обвинети за еколошки казнени дела во најголемиот еколошки скандал во Шведска во изминатите 50 години.

Според шведските медиуми, 11 лица од компанијата NMT „Think Pink“ се обвинети за серија кривични дела во најголемиот еколошки криминал во Шведска.

Компанија за управување со отпад е обвинета дека незаконски закопувала и фрлала десетици илјади тони отпад на 21 локација во 15 општини низ Шведска, што довело до пожари, истекување токсични материи и милиони трошоци на даночните обврзници.

Истрагата откри штетно ниво на арсен, диоксин, олово, цинк, бакар и нафтени деривати, а пред три години делови од Стокхолм беа обвиени со чад предизвикан од пожар на напуштена депонија управувана од компанијата.

Во центарот на скандалот се претприемачката Бела Нилсон, која себеси се нарече „кралица на отпадот“ и нејзиниот поранешен сопруг Томас Нилсон.

Сите обвинети го негираат делото.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.