Во земјите на Европската унија во јуни се регистрирани 1.089.925 нови автомобили, што е за 4,3 отсто повеќе во споредба со истиот месец лани, соопшти денеска Асоцијацијата на европски производители на автомобили (ACEA).

На повеќето големи европски пазари е забележан раст на продажбата на годишно ниво, во Италија за 15,1 отсто, Германија за 6,1 отсто, Шпанија за 2,2 отсто, додека во Франција бројот на регистрации на нови автомобили е намален за 4,8 отсто.

Во јуни, најголем број нови регистрирани возила се на бензин – 34,4 отсто, потоа хибрид-електрични возила 29,5 отсто, електрични возила на батерии 14,4 отсто и автомобили на дизел 12,7 отсто.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.